വീണ

രാഗാർദ്ര ഗാനങ്ങൾ പാടിയോരെൻ വീണ

ഇന്നു പാടീടുന്ന മൂകരാഗം

തന്ത്രികൾ പൊട്ടിച്ചിതറിയോരെൻ വീണ

ഇന്നു പാടീടുന്ന  ദു:ഖ ഗാനം

പൊട്ടിയ തന്ത്രി വലിച്ചു മുറുക്കി ഞാൻ

രാഗാർദ്ര ഗാനങ്ങൾ പാടുവാനായ്

ഇല്ല കഴിഞ്ഞില്ല വലിച്ചു മുറുക്കുവാൻ

എന്നുടെ വീണതൻ തന്ത്രിയൊന്നും

നട്ടെല്ലു പൊട്ടിയ മാനവ ദേഹം പോൽ

നിഷ്ക്രിയമാണിന്നെൻ മണിവീണ

ഇല്ല ഇനിയെന്നും മീട്ടാൻ കഴിയില്ല

രാഗാർദ്ര ഗാനങ്ങൾ വീണയിതിൽ

ഒരു ദു:ഖ ഗാനം ഞാൻ മീട്ടിടാം ഓമനെ

തന്ത്രിയില്ലത്തൊരു വീണയിതിൽ