104-04.11.2017 10.20 am
ചക്രങ്ങൾ 

ശ്രദ്ധ ചക്രങ്ങളിലാണ്.
തീവണ്ടിയുടെ ചക്രങ്ങൾ.
ലോഹത്തിൽ തീർത്ത
വൃത്താകാരത്തിലുള്ള ചക്രങ്ങൾ.

നിരനിരയായി പാളത്തിലൂടെ
ഒന്നിന് പിറകെ ഒന്നായി
കാടും മേടും കുന്നുകളും
പുഴകളും  താണ്ടി
ദൈവത്തിന്റെ സ്വന്തം
നാട്ടിൽ നിന്നും
കൂറ്റൻ കെട്ടിടങ്ങളും
വാഹനങ്ങളും
പണിശാലകളുമുള്ള
യാന്ത്രിക നഗരത്തിലേക്ക്

ഇടക്കുണ്ടായ നടുക്കം മാറി
ഒന്ന് നിവർന്നു നിന്നതേ ഉള്ളൂ 
മഹാനഗരം
ബോംബുകളും യന്ത്രത്തോക്കുകളും
കാഹളം മുഴക്കി
നിരപരാധികളെ കൊന്നു തള്ളിയ
ഇരുപതാം നൂറ്റാണ്ടിലെ
കാലവർഷം തൊണ്ണൂറ്റി മൂന്നു

പ്രവാസത്തിന്റെ  ചൂടറിഞ്ഞത് 
നാട്ടിലെ  ഗൃഹാന്തരീക്ഷം 
മാറിയപ്പോഴാണ്
കോൺക്രീറ്റ് റോഡുകളും
ഫ്ലാറ്റുകളും വാഹനങ്ങളും
ലോക്കൽ വണ്ടികളും 
ജീവിതം മാറ്റി മറിച്ചു 
കൊണ്ടിരിക്കുന്നു 

അന്നം തേടിയുള്ള 
പരക്കം പാച്ചിലിനിടയിൽ 
ബന്ധങ്ങൾക്കെന്തു സ്ഥാനം 
കാലത്തേ തുടങ്ങിയിട്ടുണ്ട്...
മഹാനഗരത്തിലെയോട്ടം 

ഇനിയെത്ര കാലം..ഓടണം ..?
ഉത്തരമില്ലാത്ത, ഉണ്ടെങ്കിലും 
ചോദ്യങ്ങൾ..തുടർച്ചയാവും 
മഹാനഗരത്തിലെ യാന്ത്രികതയിൽ 
ജനസാഗരത്തിൽ...ലയിച്ചില്ലാതാകുന്ന 
ഞാനും ...എന്റെ മോഹങ്ങളും 

ഗുരുപൂജ

http://www.youtube.com/watch?v=6vZTP_fbwrU


Song Written by T.V. Vinod Kumar Music/Singer: Kavalam Srikumar *ഗുരുപൂജ* ഗുരു വന്ദനം എന്റെ സ്വരവന്ദനം ഗുരു വന്ദനം എന്റെ നിറവന്ദനം അക്ഷരമെല്ലാം തെളിക്കേണമേ എന്നിൽ .... അനുഗ്രഹമെന്നും ചൊരിയേണമേ... ഗുരു വന്ദനം എന്റെ ഗുരുവന്ദനം അറിവേകിയോർക്കെല്ലാം ഗുരു വന്ദനം..... അക്ഷരം വാക്കുകളാക്കിപ്പഠിപ്പിച്ച എൻ ഗുരുനാഥർക്ക് പ്രിയ വന്ദനം വാക്കുകൾ കവിതകളായി ഭവിക്കുമ്പോൾ എന്റെ ഗുരുക്കൾക്ക് ശുഭ വന്ദനം ഗുരു വന്ദനം എന്റെ സ്വര വന്ദനം ഗുരു വന്ദനം എന്റെ നിറ വന്ദനം ജീവിത യാത്രയിലോർക്കുന്നു നിത്യവും എൻ ഗുരുനാഥന്മാർ തൻ മഹത്വം സ്നേഹാക്ഷരങ്ങൾ മനസിലില്ലെന്നാകിൽ എന്നുമെൻ ജീവിതം ശൂന്യമല്ലോ.... ഗുരു വന്ദനം എന്റെ സ്വരവന്ദനം ഗുരു വന്ദനം എന്റെ നിറവന്ദനം വിനോദ് കുമാർ ടി.വി.

107-16.11.2017-വൃശ്ചികപ്പുലരിയിൽ

വൃശ്ചികപ്പുലരിയിൽ 

https://youtu.be/e_efrom6ONY

Lyrics: Vinod Kumar T V
Music: Harish Nambiar
Singer: Nithin Pillai

വൃശ്ചികപ്പുലരിയിൽ
അയ്യപ്പ ദേവാ നിൻ 
നാമസങ്കീർത്തനം
ചൊല്ലട്ടെ  ഞാൻ 

കുളികഴിഞ്ഞീറനായ് 
അയ്യപ്പ സ്വാമീ നിൻ 
ദർശന സായൂജ്യം 
നല്കീ ടണേ

പാപങ്ങളെല്ലാമകറ്റി 
നീയടിയനെ
കാത്തു കൊള്ളേണമേ 
എന്നുമെന്നും 

പമ്പാനദി തന്റെ 
തീരത്തു ദേവന്റെ 
നാമങ്ങൾ ചൊല്ലി ഞാൻ 
പാട്ടു പാടി 
എരുമേലിയിൽ 
പേട്ടതുള്ളി ത്തുള്ളി
പിന്നെ കരിമല 
മേലെക്കയറിച്ചെന്നു 

പടി പതിനെട്ടും 
കയറിമെല്ലെ 
ശബരിഗിരീശന്റെ  
മുന്നിൽ ചെന്നു 
ഏറ്റുപറഞ്ഞേന്റെ 
കുറ്റങ്ങളെല്ലാം ഞാൻ 
പാദങ്ങളിൽ വീണു 
നമസ്കരിച്ചു...

107-16.11.2017-വൃശ്ചികപ്പുലരിയിൽ 

104-കാലചക്രം

ശ്രദ്ധ ഇരുമ്പു ജനലിലൂടെ അങ്ങുദൂരെ കുന്നിൻ ചരിവിലേക്കാണ്. അസ്തമയ സൂര്യന്റെ കിരണങ്ങൾ വെള്ളി രേഖകളായി നേർത്തിരുണ്ടു തുടങ്ങി. നിരനിരയായി പാളത്തിലൂടെ, ഒന്നിന് പിറകെ ഒന്നായി, കാടുകളും പുഴകളും കുന്നുകളും താണ്ടി ദൈവത്തിന്റെ സ്വന്തം നാട്ടിൽ നിന്നും, കൂറ്റൻ കെട്ടിടങ്ങളും നിറയെ വാഹനങ്ങളും പണിശാലകളുമുള്ള യാന്ത്രിക നഗരത്തിലേക്ക് ഇടക്കുണ്ടായ നടുക്കം മാറി ഒന്ന് നിവർന്നു നിന്നതേ ഉള്ളൂ മഹാനഗരം. ബോംബുകളും യന്ത്രത്തോക്കുകളും കാഹളം മുഴക്കി, നിരപരാധികളെ കൊന്നു തള്ളിയ തൊണ്ണൂറ്റി മൂന്നാമാണ്ട്. നാട്ടിലെ ഗൃഹാന്തരീക്ഷം മാറിയപ്പോഴാണ് പ്രവാസത്തിന്റെ ചൂടറിഞ്ഞത് . ഗൃഹാതുരത്വത്തിന്റെ നോവുന്ന നൊമ്പരം. കോൺക്രീറ്റ് റോഡുകളും ഫ്ലാറ്റുകളും വാഹനങ്ങളും ലോക്കൽ വണ്ടികളും ജീവിതം മാറ്റി മറിച്ചു കൊണ്ടിരുന്നു. അന്നം തേടിയുള്ള പരക്കം പാച്ചിലിനിടയിൽ ബന്ധങ്ങൾക്കെന്തു സ്ഥാനം കാലത്തേ തുടങ്ങിയിട്ടുണ്ട്... മഹാനഗരത്തിലെയോട്ടം. നീണ്ട കാൽ നൂറ്റാണ്ടുകൾ !!! ഇനിയെത്ര കാലമോടണം? ഉത്തരമില്ലാത്ത ചോദ്യങ്ങൾ തുടർക്കഥയാവും. ഇടയ്ക്കിടയ്ക്ക് കൂട്ട് വരുന്ന മഹാ നഗരിയിലെ പുത്തൻ സൗഹൃദങ്ങൾ മാത്രം ജീവിത സായാന്ഹത്തിലെ ബാക്കിയായ സമ്പാദ്യം. മഹാനഗരത്തിലെ യാന്ത്രികതയിൽ ജനസാഗരത്തിൽ ലയിച്ചില്ലാതാകുന്ന ഞാനും, എന്റെ മോഹങ്ങളും. വിനോദ് കുമാർ ടി വി 104-04.11.2017 10.20am

103-കുടുംബ സംഗമം

കുടുംബ സംഗമം


ഇന്നെത്തി ഇങ്ങെത്തി
വന്നെത്തി ചങ്ങോത്തെ
കുഞ്ഞുങ്ങൾ ഒരു
കൂരക്കീഴിലായൊത്തുകൂടി

ഭാരത മണ്ണിന്റെ
എതെല്ലൊ കോണിലായ്‌
ഭാവിയെ കാക്കാനായ്
ബന്ധം പിരിഞ്ഞവർ

ഇന്ദ്രപ്രസ്ഥത്തിന്റെ വീഥികളിൽ ചിലർ
മഹാനഗരത്തിലെ യാത്രികരും
കേരള മണ്ണിന്റെ ഹൃദയത്തിലും മറ്റും
പറിച്ചെറിയപ്പെട്ട ജീവിതങ്ങൾ

കാലം പലവുരു ബന്ധങ്ങളിൽ നിന്നും
അടർത്തി മാറ്റപ്പെട്ട യൗവ്വനങ്ങൾ
നമ്മുടെയിന്നത്തെ സംഗമവേളയിൽ
കുഞ്ഞു കുസൃതികൾ എന്തറിവൂ

വീടും നാടും നഗരവും വിട്ടു നാം
വീട്ടാരും നാട്ടാരും ദൂരെയായി
അകലെ ജീവിത  പ്രാരാബ്ധം പേറുമ്പോൾ
ആത്മാവിൽ നൊമ്പരമേറ്റവർ നാം

മേടവിഷുവിലും തിരുവോണനാളിലും
നാടിന്റെ സൗന്ദര്യ നഷ്ടബോധം
ബന്ധങ്ങളിൽ നിന്നടർന്നവർ ദൂരെയായ്
ബന്ധുജനങ്ങളെ കാത്തിടുന്നു

എന്നും മനസിന്റെ നീറുന്ന കോണിലായ്
ബന്ധുവും ബന്ധവും വീട്ടുകാരും
ആരോട് ചൊല്ലേണ്ടു ഞാനീയുലകത്തിൽ
ഹൃത്തടം തന്നിലെ നൊമ്പരങ്ങൾ...




103-17.10.2017-01.50 P.M NOON
വിനോദ് കുമാർ ടി വി.

102- പ്രണയ പർവ്വം

102- പ്രണയ പർവ്വം



മലരണിക്കാടുകൾ തിങ്ങി വിങ്ങി
രാമപുരം പാലത്തിന്നടിയിൽ മുങ്ങി

മാനം മുഴുക്കെ തുറിച്ചു നോക്കി
അമ്പിളി മാമന്റെ  ചേല് നോക്കി

പാടത്തും പുഴയിലും ചാടി ഞങ്ങൾ
മുങ്ങാങ്കുഴിയിട്ടു  മദിച്ചു ഞങ്ങൾ

ആ കാലമോർമ്മയിൽ മിന്നി മിന്നി
ആ നല്ലയോർമ്മയിൽ വിങ്ങി വിങ്ങി

പ്രവാസ കാലത്തിൻ വേളയിൽ ഞാൻ
ആദ്യ പ്രണയത്തെയോർത്തിടുന്നു

പ്രേമത്താൽ കൊഞ്ചുന്നയെന്റെ പെണ്ണിൻ
ചുണ്ടിൽ വിരിയുമാ മന്ദഹാസം

ദാവണി ചുറ്റിയോടുന്ന പെണ്ണിൻ
നിരയൊത്ത പല്ലിൻ  തൂവെള്ള നിറം

അവളുടെ കണ്ണിലെ പ്രേമ ഭാവം
പിന്നെയാ ചുണ്ടിൻ ചുവപ്പു നിറം



11.10.2017-09.59 AM
വിനോദ് കുമാർ ടി വി.

101-रिश्ता

रिश्ता


आज कल
यही है...रिश्ता !

तोड़ देते है...दिल को
प्यार सही है तो भी...!

अगर कुछ बोले तो...
न बातें...न रिश्ते !
तोड़  देते है......
सह कुछ  !

मगर...हम कैसे रहें,
बिना प्यार करके...
हमें तो सिर्फ
प्यार करना आता है...!

न जाने...हम...ऐसा क्या किया
हमें..प्यार वापस नहीं  मिलता है !

रिश्ता जोड़ना हमें अच्छा लगते है
मगर...वोह समझते नहीं....

हमें  उनसे बातें करनी है...
बातों से...भले ...ठीक हो जायें...


१०१-रिश्ता-०९.१०.2017
विनोद कुमार टी.वी

99- ആയുധം

അപലപനീയമാണ്

ക്രൂരതകൾ

അത്‌ കൊടിയുടെ നിറം 

നോക്കിയാവരുത്

ചുവപ്പായാലും

പച്ചയായാലും

കുങ്കമമായാലും

ചോരയുടെയും

ജീവന്റെയും

നിറവും വിലയും

ഒന്നു തന്നെ

ഇല്ലാതായത് 

മനുഷ്യത്തമാണ്

ഉണ്ടാവേണ്ടതും

അതുതന്നെ

മനുഷ്യത്തം

ദാബോൾക്കറും

കൽബുർഗിയും

പൻസാരെയും

ഗൗരി ലങ്കേശയും

ഓർമ്മിപ്പിക്കുന്നതും

അതുതന്നെ

പോരടിക്കാനല്ല

പൊരുതാനാണ്

പഠിക്കേണ്ടത്

കഠാരയും തോക്കുമല്ല

നോക്കും വാക്കുമാണ്

ആയുധമാക്കേണ്ടത്

98-07.09.2017 7.55pm

വിനോദ് കുമാർ ടി വി

കണ്ണൻ -01.12.2017

കണ്ണാ നീയെന്നെന്നും കണ്മുന്നിൽ വന്നെങ്കിൽ... കണ്ണുകൾക്കാനന്ദം വേറെ വേണോ..... കണ്ണാ നിന്നോടക്കുഴൽ നാദം കേട്ടെങ്കിൽ ... കാതുകൾക്കെന്തിനു വേറെ ഗാനം ... കണ്ണൻ - Ol - 12-17

98-പ്രണയം, പ്രതികാരം, പ്രതി

പ്രണയം,  പ്രതികാരം,  പ്രതി


പ്രതീക്ഷിച്ചിട്ടില്ലായിരുന്നു
പ്രതികരണം,  ആരും.

പ്രതീക്ഷിക്കാത്തതു
പ്രവർത്തിച്ചപ്പോൾ,
പ്രതികരിക്കേണ്ടി വന്നു അവൾക്ക് .

പ്രതീക്ഷിക്കാത്തയാൾ
പ്രതിയാണെന്നറിഞ്ഞപ്പോൾ,

പ്രജ്ഞ നഷ്ടപ്പെട്ട പോലെയായി
പ്രഥമ പ്രേമഭാജനത്തിന്.

പ്രണയം പരാജയപ്പെടുത്തിയപ്പോൾ
പ്രാണവേദനയാൽ തെറ്റ് പ്രവർത്തിച്ചു .

പ്രണയം നഷ്ടപ്പെടാനാവാതെ
പ്രതികരിച്ചു അയാളും.



98-15.07.2017-02.15 P.M
വിനോദ് കുമാർ ടി വി.

97-അമ്മ

അമ്മ



അമ്മയെന്നുള്ളൊരാ
കനിവിന്റെ നാമം
ആദ്യമായ് നാവിൽ
തെളിയുന്ന നാമം

ആദ്യാക്ഷരത്തിൽ
തുടങ്ങുമാ നാമം
അമ്മയെന്നുള്ള
രണ്ടക്ഷര നാമം

അരുമയായ് ആലിംഗനം
ചെയ്യുമെന്നമ്മ
അരികിലായ്
ആദ്യാവസാനമെന്നമ്മ

അമൃതുപോൽ
മധുരമാം നാമമാണമ്മ
അറിയാതെ  നോവിനെ
നീക്കുന്നതമ്മ

അകതാരിൽ വ)സന്തം
വിരിയിക്കുമമ്മ
അഴലകറ്റിത്തരും
ആനന്ദമമ്മ




97-26.06.2017 3.55 PM
വിനോദ് കുമാർ ടി വി

96-മരണം

മരണമെത്തുന്ന
നേരത്ത് മർത്ത്യാ ......
നീ കരയുവതെന്തിന്
കഷ്ടം.....

ജീവിത വ്യഥകൾ
തെളിഞ്ഞു നിന്നിൽ....
കണ്ണീർ പാടം
നിറഞ്ഞൊഴുകി....

ഒരു തുള്ളി വെള്ളം
പകർന്നു കൊടുക്കാതെ,
കാട്ടിയ ക്രൂരത
ഓർത്തീടുവിൻ.....

ഏറിയ കാലമായ്
ചെയ്തു വരുന്നതോ,
എണ്ണിയാൽ തീരാത്ത
പാപമെന്നറിയു  നീ.....

പാപങ്ങൾ കഴുകി നീ
മോക്ഷത്തിനായിനി
കാലം കളയാതെ
കാത്തിരിക്കൂ....

മർത്ത്യാ........ നീ...... കരയുവതെന്തിന്........

.

96-22-04-017-6.53 pm
വിനോദ് കുമാർ ടി വി

95- വന ചിന്ത

95- വന ചിന്ത

10 of 79

 

 

മണ്ണിൽ മരം നട്ടു മണ്ണിനെക്കാക്കു നീ മണ്ണിൽ മരം നട്ടു മരുപ്പച്ചയാക്കു നീ മണ്ണ് മറക്കല്ലേ മരം മുറിക്കല്ലേ നീ മർത്യാ മരണത്തേ മാടി വിളിക്കല്ലേ മറയാതിരിക്കുവാൻ മണ്ണ് കരിയാതിരിക്കുവാൻ മനുഷ്യ ജന്മങ്ങളേ മരം മുറിക്കല്ലേ നീ 95-21.03.2017-4.15p.m വിനോദ് കുമാർ ടി.വി

കഥ-3--സംഘർഷം

അസ്തമയ സൂര്യന്റെ ചെങ്കിരണങ്ങൾ അയാളുടെ കണ്ണിൽ അടിച്ചപ്പോഴാണ്‌ അയാൾ കണ്ണ് തുറന്നത്. അറിയില്ല, എത്ര നേരമായി ആ മണൽ പുറത്തു കിടക്കുന്നതെന്ന്.  നേരം ഇരുളാൻ കുറച്ചുകൂടി സമയം വേണം.   എന്തായിരുന്നു.....?



അയാൾ  ഓർക്കാൻ  ശ്രമിച്ചു. കാലത്തെ പുറപ്പെട്ടതാണ്. വിജനമാണ് ആ കടപ്പുറം. ഏകാന്തതയുടെ മൌനം ഭഞ്ജിച്ചു കൊണ്ട് കുറെ കുട്ടികൾ ആ കടപ്പുറത്തേക്ക് ഓടി വന്നു.  കലപില ശബ്ദം ഉണ്ടാക്കി....ഒരാൾ  ഒരു മിനറൽ വാട്ടർ ബോട്ടിൽ കയ്യിലടിച്ചു ശബ്ദമുണ്ടാക്കി ഏതോ ഹിന്ദി പാട്ടിന്റെ വരികൾ മൂളുന്നുണ്ട്. പരസ്പരം കലഹിച്ചും ബഹളം വെച്ചും അവർ അദ്ദേഹത്തെ കടന്നു പോയി.
അയാൾ ഇന്നലെ രാത്രിയിലുണ്ടായ കാര്യങ്ങളെക്കുറിച്ച് ഓർക്കാൻ ശ്രമിച്ചു.അദ്ദേഹത്തിന്റെ ജീവിതം ...അത് ഇത്രത്തോളം സംഘർഷ ഭരിതമാവാൻ എന്താണ് കാരണം ? ഒന്നും പിടി കിട്ടുന്നില്ല.  അതിനു മാത്രം പ്രശ്നങ്ങളുണ്ടോ ?  ഇല്ല തന്നെ....പിന്നെ  എന്തെ ഇങ്ങനെ ??  


നേരം ഇടുട്ടിത്തുടങ്ങി. ഇന്നെങ്കിലും നേരത്തെ വീട്ടിലെത്തണം.  അതെ നേരത്തെ വീട്ടിലെത്തിയാൽ ഒരു പക്ഷെ.....എല്ലാ പ്രശ്നങ്ങളും തീരും. അയാൾ  ഉറച്ച ഒരു തീരുമാനവുമായാണ് വീട്ടിലേക്കു മടങ്ങിയത്. അതെ സമൂഹം നന്നാക്കാൻ ശ്രമിക്കുന്നത് പോലെ സ്വന്തം വീടും നന്നാക്കാൻ ശ്രമിക്കണം. സമാജം പ്രവർത്തനവും നാട്ടുകാരെ നന്നാക്കലും കവിതയെഴുത്തും ...പിന്നെ...ന്യൂ ജെനറേഷൻ മീഡിയയുമായുള്ള തന്റെ അതിരുകവിഞ്ഞ പ്രണയവുമാവുമൊ ?? അങ്ങനെയാണെങ്കിൽ എന്ത് ചെയ്താലാണ് ഒന്ന് ശാന്തമായി സംഘർഷങ്ങളില്ലാതെ ജീവിക്കാൻ കഴിയുക ? പക്ഷെ.... ഇതെല്ലാം തന്നെപ്പോലെ പലരും ചെയ്യുന്നതല്ലേ ?  പിന്നെ എനിക്കുമാത്രം എന്തെ ഇത്ര പ്രശ്നം ? ഏതായാലും സമാജപ്രവർത്തനവും നാട്ടുകാരെ നന്നാക്കലും കവിതയെഴുത്തുമൊന്നും നിർത്താൻ തയ്യാറല്ല. അതെ അത് തന്നെയാണ് പ്രശ്നങ്ങൾക്ക് കാരണം.  അയാൾ വീണ്ടും അതേക്കുറിച്ച് ആലോചിച്ചു .
അയാൾ വീട്ടിലെത്തി....ആദ്യം തന്നെ ഒരു പേപ്പർ എടുത്തു ഇങ്ങനെ എഴുതി....

ഡിയർ..പ്രസിഡന്റ്‌, 



ഐ വുഡ് ഹിയർ ബൈ സബ്മിറ്റ് മൈ റെസിഗ്നെഷൻ ഫ്രം ദി പോസ്റ്റ്‌ ഓഫ്..................................