136-ഗുരുവായൂരപ്പാ

ഗുരുവായൂരപ്പാ

ഗുരുവായൂരപ്പാ...

ഗുരുവായൂരപ്പാ...

ഡോംബിവലിനാഥാ 

പൊന്നു ഗുരുവായൂരപ്പാ...

നിന്റെ തിരുനടയിൽ 

ഞാൻ തൊഴുതു നിന്നൂ..

നിന്റെ മുഖ പത്മം 

കണ്ടു ഞാൻ മറന്നു നിന്നൂ

കണ്ണിനു 

കുളിരായിത്തീർന്നിടേണം 

നീയെൻ കാതിനിംബമുള്ളതൊക്കെ 

കേൾപ്പിക്കേണം

നിൻ തിരുനാമമെൻ്റെ 

ചുണ്ടിൽ വേണം...

പാട്ടുകളെല്ലാം നിൻ്റെ 

സ്തുതിയാവേണം

കാത്തുകൊള്ളേണമേയെന്നെയുണ്ണിക്കണ്ണാ

എന്റെ ഗുരുവായൂരപ്പാ...

പൊന്നു ഗുരുവായൂരപ്പാ...

136-28.04.2019 ,12.00 noon

വിനോദ് കുമാർ ടി.വി

പ്രണയം

https://m.facebook.com/story.php?story_fbid=10218197669721026&id=1467903465

വർഷങ്ങളെത്രയായ്‌
അകന്നിരിക്കുന്നു നാം
കാതങ്ങളെത്ര
അകലെയായി

എന്നുടെയോർമ്മയിൽ
നീയെന്നുമുണ്ടല്ലോ
എന്നെ നീയോർത്തുവോ
എന്നെങ്കിലും

നീ നിന്റെ കർമ്മങ്ങൾ
ഒന്നൊന്നായ്
തീർത്തിപ്പോൾ
വിശ്രമിക്കാനായി
നാട്ടിലെത്തി

ഞാനെന്റെ
ദുഃഖങ്ങളെല്ലാം
മറക്കുവാൻ
മഹാനഗത്തിലെ
യാത്രയിലും

ഓർക്കാറുണ്ടെന്നും
നിദ്രക്കു മുമ്പായി
സ്വപ്നത്തിലെങ്കിലും
കാണുവാനായ്

അറിയാതെ വീണ്ടും
നീയെൻ്റെ മുന്നിലായ്
അറിയാത്ത നാളുകൾ
ഓർമ്മകളായ്

മൂടിവെച്ചീടും
പ്രണയമെന്നിൽ
വീണ്ടും നിറക്കാനായ്
നീയരികിൽ

പഴയ പ്രണയത്തിൻ
ഓർമ്മയിൽ ചാലിച്ച
കവിത കണ്ടു നീ
വീണ്ടുമകന്നുവോ

എത്ര ദൂരേക്ക്
നീ മാറിയാലും
ഋതുക്കളെത്രയോ
പോയി മറഞ്ഞാലും

പ്രണയം മരിക്കില്ല
മരണം വരെയെൻ്റെ
ജീവൻ തുടിക്കുന്ന
നിമിഷം വരെ

എന്നിൽ പ്രണയം
മരിക്കുന്ന നേരമെൻ
അവസാന ശ്വാസം
നിലച്ചിരിക്കും

©വിനോദ് കുമാർ ടി.വി.
രാമപുരം, കണ്ണൂർ

ദൂരെ

വർഷങ്ങളെത്രയായ് ദൂരേക്കകന്നു നാം കണ്ടുമുട്ടാതെത്ര നാളുകൾ പിന്നിട്ടു നീ നിൻ്റെ കൂട്ടിലും ഞാനെൻ്റെ കാട്ടിലും ജീവിതം മെല്ലെയായ് തള്ളി നീക്കി ഓർമ്മകൾ പേറി ഞാൻ എൻ്റെയീ നാളുകൾ നീട്ടി സമയം കളഞ്ഞു കുറേയേറെ നീ നിൻ്റെ കൂട്ടിലെ കൊച്ചു കിളികളെ നോക്കി വളർത്തി വലുതുമാക്കി ഞാനെൻ്റെ കാട്ടിലലഞ്ഞു നിന്നോർമ്മയിൽ പ്രണയമെൻ ചിന്തയെ ഭ്രാന്തമാക്കി ചിന്തയിൽ നീയും നിൻ വശ്യ നേത്രങ്ങളും ആ ചെറു ചുണ്ടിലെ പുഞ്ചിരിയും കാറ്റിലിളകുമാ കാർകൂന്തൽ മെല്ലെ നീ കായ്യാലൊതുക്കി മെല്ലെ നടന്നതും കാലിൽ തടയുമാ പട്ടുപാവാട നീ തെല്ലൊന്നുയർത്തി ഓടി മറഞ്ഞതും ഇന്നുമെന്നോർമ്മയിൽ മായാതിരിക്കുന്നു ഇന്നലെക്കണ്ട കിനാവു പോലെ അന്നത്തെ നാളുകൾ വീണ്ടും വരികിലെൻ ഹൃദയം മിടിക്കും തുടിക്കുമെൻ കണ്ണുകൾ പ്രണയാഗ്നി വീണ്ടും ജ്വലിക്കുമെൻ സിരകളിൽ നിന്നെ പ്രണയിച്ചു വീണ്ടും ലയിക്കും ഞാൻ വിനോദ് കുമാർ ടി.വി. 17 .04.2020 6.45 pm Kanathur Kazcha 2020*ദൂരെ*