ഉയരെയുയരെ ഗഗന നീലിമയിൽ
നിറങ്ങൾ ചാലിച്ച കൊച്ചു പട്ടങ്ങളേ
മന്ദമാരുതൻ തഴുകുന്നു നിങ്ങളെ
വിഹായസ്സിൽ പക്ഷി പോൽ പറക്കവേ
നിറങ്ങൾ ചാലിച്ച കൊച്ചു പട്ടങ്ങളേ
മന്ദമാരുതൻ തഴുകുന്നു നിങ്ങളെ
വിഹായസ്സിൽ പക്ഷി പോൽ പറക്കവേ
താഴെയൂഷര ഭൂമിയിൽ പലവിധം
കാണാക്കാഴ്ചകൾ കാണാറുണ്ടാവുമോ
ധരയിലെ കാണാപ്പുറങ്ങളിൽ
ധമനിയിൽ സൂചി കുത്തുന്നവർ
ചുണ്ടിൽ പുകച്ചുരുൾ വാനിൽ പറത്തുവോർ
അന്ധകാരത്തിൽ ഇരുളിൻ മറവിലായ്
ഏകാകിയായൊരു പെണ്ണിന്നരികിലായ്
നഗ്നത നോക്കി പതുങ്ങി നീങ്ങുന്നവർ
കുടിലത, കുന്നായ്മ, അസൂയയും പിന്നെ
കേട്ടാലറക്കുന്ന വേണ്ടാവചനങ്ങൾ
കുറ്റം, കുറവുകൾ, ഇല്ലാത്ത കാര്യങ്ങൾ
മനുഷ്യനെ വെറുപ്പിക്കും വേണ്ടാതീനങ്ങൾ
മണ്ണിൽ നടമാടും കൊള്ളരുതായ്മകൾ
നാട് നശിപ്പിക്കും കുട്ടിച്ചാത്തന്മാർ
കാണാറുണ്ടോ അങ്ങുയരത്തിൽ നിന്നും നീ
മണ്ണിൽ മനുഷ്യന്റെ പോക്രിത്തരങ്ങളെ
വിനോദ് കുമാർ ടി വി
രാമപുരം, കണ്ണൂർ
രാമപുരം, കണ്ണൂർ
154-28.09.2020
