*വിഷുവും മഞ്ഞയും*
കണിക്കൊന്നയുടെ മൃദുല ദളം
പിഞ്ചു കുഞ്ഞിന്റെ നിഷ്ക്കളങ്കത
കൈനീട്ടത്തിന്റെ മിന്നുന്ന തിളക്കം
ഭാവി ഭദ്രമാവുമെന്ന അടയാളം
വിഷുക്കോടിയുടെ കസവു ഭംഗി
നിറം ചാർത്തുന്ന ജീവിത വിജയം
വിഷു വിളക്കിന്റെ തിരി നാളം
പ്രതീക്ഷയുണർത്തുന്നു ജീവിതം
കണി വെള്ളരിയുടെ പുറം വരകൾ
പച്ചപിടിക്കുന്ന ജീവിതത്തിന്റെ ഭാവം
മനസ്സിൽ വിരിയും മാരിവില്ലിന്നഴക്
ലോകത്തിന്റെ ഭാസുരമായ ഭാവി
തൂങ്ങിക്കിടക്കുന്ന പച്ച മാങ്ങാക്കുല,
പകുത്തു വെച്ച വരിക്കച്ചക്കയും
ഒരു പടന്ന ചെറു പഴവും പുകഞ്ഞു
കത്തുന്ന ചന്ദനത്തിരികളും സുന്ദരം
കാഴ്ചകൾ മനസിന് കുളിർമ്മയേകട്ടെ
മനസ്സ് ശാന്തമാവട്ടെ, ധന്യമാവട്ടെ
ഈ ജന്മവും ഇനി വരും ദിവസങ്ങളും
ശുഭമംഗളമാവട്ടെ ഭാവി ജീവിതം
വിനോദ് കുമാർ ടി.വി
രാമപുരം, കണ്ണൂർ
23.04.2021 - 15.23 p.m
