*Go Go വാക്സിനേഷൻ*
വർഷമൊന്നു കഴിഞ്ഞിട്ടും
തുടരുന്ന മഹാമാരി
ഇത് രണ്ടാം വരവ്
തിരിച്ചു പോക്കെന്നാണാവോ
വീട്ടിലിരുന്നു മടുത്ത
ദരിദ്രജന്മങ്ങൾക്ക്
ഇനിയെന്നാണാവോ
മുക്തി ലഭിക്കുക ?
വാക്സിൻ സ്വീകരിച്ചവർ
വീണ്ടും സ്വീകരിച്ചുതുടങ്ങി
റേഷൻ കിട്ടാത്ത പാവങ്ങൾക്ക്
ഇനിയെന്നാണാവോ രണ്ടാം ഗഡു ?
ഞാനും വരിയിൽ
കാത്തിരിപ്പാണ്
ഒന്നാം ഗഡു കോവാക്സിന്
പരിശോധനാ മുറികളും
ഇടനാഴികളും കോണിപ്പടികളും
ഊഴം കാത്തുകിടക്കുന്നവരാൽ
നിറഞ്ഞു കവിഞ്ഞു തുടങ്ങി
ഇടയിൽ രണ്ടാമതൊരു
രജിസ്റ്റർ കൂടി തുറക്കേണ്ടി വന്നു
അതിനാൽ വേഗം നമ്പർ കിട്ടി
ആദ്യ നൂറിൻ്റെ പകുതിക്ക് മേലെ
കാത്തിരിപ്പാണ് കോണിപ്പടിയിൽ
സമയം കളയാനൊരു കവിത..
ഇവിടെയിരിപ്പാണ് ഊഴം കാത്ത്
ഇനിയും പത്തു പേരുണ്ട് മുന്നിൽ
നമ്പർ വിളിച്ചു രക്തസമ്മർദ്ദം
നോക്കി തൃപ്തരായി
നേരെ സൂചി കുത്തുവാൻ
മുറിയിൽ കയറിയിരിപ്പായി
മാലാഖ മധുരമായി മൊഴിഞ്ഞു
വരൂ, നോക്കൂ, കോവാക്സിനാണ്
അര മില്ലി, പനി തോന്നിയാൽ
കരുതിക്കോളു ഡോളോ
അല്ലെങ്കിൽ ക്രോസിൻ
അര മണിക്കൂർ വിശ്രമമുറിയിൽ
പിന്നീട് നേരെ വീട്ടിലേക്ക്
കുറച്ച് സമാധാനമായി
ഇനി പേടിക്കാനില്ല, അകലം പാലിച്ചിരിക്കാം
ഞാൻ ഹാളിൽ, ഭാര്യ അടുക്കളയിൽ
മകൾ ഓൺലൈൻ ക്ലാസ്സിൽ
എന്താ ചെയ്ക, ഈ കൊറോണയെ ?
വിനോദ് കുമാർ ടി വി
19.04.2021-11.33 a.m
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ