മോഹം

ഇന്നലെ ഞാനറിഞ്ഞു നിന്നകതാരിലും

ഉണ്ടൊരു മോഹം എന്നെക്കാണാൻ

ചൊന്നു നിൻ അയൽവാസി എല്ലാ വിവരങ്ങളും

നിന്നുടെ ചോദ്യങ്ങളും എല്ലാമെല്ലാം

എന്തിനു ചോദിച്ചു നീ എന്റെ വിവരങ്ങൾ

നിന്നന്തരംഗത്തിൽ അനുരാഗമൊ

ഉണ്ട് നിന്നോടെനിക്ക്ദിവ്യമാം അനുരാഗം

ഒന്നുമേ ചൊന്നതില്ല നിന്നോട് ഞാൻ

ഉണ്ട് ചോല്ലുന്നതുണ്ട്ഞാൻ

എന്മനതാരിൽ ഒരായിരം സ്വപ്‌നങ്ങൾ പൂക്കും കാര്യം

അന്ന് നിൻ പൂങ്കവിളിൽ നല്കിടും ഉമ്മ ഞാനും

എന്നോമൽ കാമിനീ നീ ഒന്ന് നില്ക്കൂ

നീയറിയാതെ നിന്നെ എന്മന കോവിലിതിൽ

പൂജിക്കുന്നുണ്ട് ഞാൻ പൂജാരിയായ്

എന്നും കൊതിക്കുന്നു ഞാൻ നിൻ വാക്കുകൾ കേൾക്കുവാനും

എന്നുടെ അനുരാഗം ചൊല്ലുവാനും

കേൾക്കൂ പെണ്‍കൊടീ നീയീ

കാമുകന്റെ പ്രേമസൂക്തം

കേൾക്കുമോ നീയെന്റെ പ്രേമഗാനം

കണ്മണീ നിന്നെയെന്നും ഞാനെൻ മനതാരിൽ

സൂക്ഷിച്ചു വെക്കുന്നു ദിവ്യമായി

ചൊന്നിടട്ടെ പെണ്‍കൊടി ഞാൻ എന്നുടെ പ്രേമമിന്നു

മറുപടി അറിയിക്കൂ സ്നേഹം ആണെന്നോതൂ

ജീവിതകാലമൊന്നയ്നമുക്കൊന്നാകാം