പുഴയൊഴുകും വഴികളിലെവിടെയോ...
കളഞ്ഞു പോയതാണെന്റെ ബാല്യം
അലയടിക്കുന്നുണ്ടെന്നിൽ നിത്യവും
കളകളമൊഴുകും പുഴയിരമ്പൽ

കുന്നിൻ ചെരിവിലായമ്പലത്തിൻ
ചാരെ മന്ദമൊഴുകുമെൻ കുഞ്ഞുപുഴ
കിഴക്കുനിന്നുത്ഭവിച്ചവിരാമമായ്...
മെല്ലെയറബിക്കടലിലലിയും പുഴ

ഇനിയെത്ര നാളിപ്പുഴയിതു പോലെ
കളകളമൊഴുകുമെന്നാർക്കറിയാം.
അതിനും മുമ്പേയെന്നൊഴുക്കു നിലക്കുമോ
എന്നുള്ളതാണിന്നെന്റെ ഭീതി

ഗ്രാമത്തിന്നലങ്കാരമാമെൻ പുഴ
മരിക്കാതിരിക്കട്ടെയൊഴുകിടട്ടെ ...
ഇനിയും സംവത്സരങ്ങളിൽ പുഴ
തഴുകട്ടെയെന്റെയീ ഗ്രാമഭംഗി

മധുരമാണെന്നോർമ്മകൾ
ഗൃഹാതുരനായ് ഞാനീ നഗര വീഥിയിൽ
പുഴയൊഴുകും വഴികളിലെവിടെയോ...
കളഞ്ഞു പോയതാണെന്റെ ബാല്യം

വിനോദ് കുമാർ ടി.വി
രാമപുരം, കണ്ണൂർ
31.03.2018