കുറുംകവിതകൾ

1. *ഗഹനം* 

ഗഹനമായ് ചിന്തിച്ചിരുന്നു ഞാനിന്നലെ 

ചെയ്തു പോയുള്ളോരാ കർമ്മങ്ങളെപ്പറ്റി.. 

 ഓർത്താലതെത്രയും ബുദ്ധിശൂന്യം 

 ആവർത്തിക്കാതിരിക്കാൻ നല്ല ശ്രദ്ധ വേണം. 

 2. *പൈതൽ* 

പൈതൽ തൻ പാൽപുഞ്ചിരി കണ്ടെൻ്റെയുള്ളം കുളിർത്തു 

പാവങ്ങൾ എത്രയോ നിഷ്കളങ്കർ 

അവർ വളരുന്ന നാളുകൾ എത്ര മനോഹരം. 

കള്ളങ്ങളില്ലാ മനസ്സിൽ, മരുന്നിന്, 

കാപട്യമെന്തെന്നറിയാക്കുരുന്നുകൾ.. 

തിരിച്ചറിവു വരും വരേക്കും 

എത്രയോ ദൈവീകമാണാ മനസ്സുകൾ 

 3. *ഗജം* 

അമ്പലമുറ്റത്തെ ഉത്സവനാളതിൽ 

കിഴക്കേ നടയിലെ അരയാൽത്തറ മുന്നിൽ 

ഗജങ്ങൾ രണ്ടെണ്ണം നിരന്നു നിന്നീടണം 

വാദ്യഘോഷങ്ങൾ പൊടി പൊടിച്ചീടണം 

ചെവികൾ മുറം പോലെ കാലുകൾ മരം പോലെ 

കൊമ്പുകളുള്ള കൊമ്പന്മാർ നിരക്കണം 

3. *നാൽക്കവല* 

ആൾക്കാർ കൂടിയ നാൽക്കവലയിൽ 

കാര്യമറിയാതെ ഞാനുമെത്തിച്ചേർന്നു 

ചിലരങ്ങോട്ടോടുന്നു 

ചിലർ തിരിച്ചിങ്ങോട്ടും 

കാര്യമറിയാതെ ചിലർ അങ്ങാട്ടുമിങ്ങോട്ടും 

നെട്ടോട്ടമോടുന്നു ഭ്രാന്തമായി 

5. *വിരൽ* 

വിരൽത്തുമ്പിനാൽ ഞാനെഴുതും 

വരികളിൽ പ്രണയമാണെപ്പോഴും 

കവിതയായി എഴുതിയെഴുതിയെൻ 

വിരലുകൾ മെല്ലെയായ് 

പ്രണയച്ചിടുന്നു ഞാനറിയാതെയെപ്പോഴും 

6. *ധാത്രി* 

ധാത്രിയവൾ മൗനിയായ്, 

ഖിന്നയായ്, ശുഷ്കയായ് 

മനുഷ്യർതൻ പേക്കൂത്തുകൾ 

കാൺകയാലൊട്ടു സഹികെട്ടു 

തൻ താണ്ഡവം തുടങ്ങിയോ ? 

പ്രളയമായ്, ദുരിതമായ്, 

പ്രപഞ്ചം തപിക്കയായ്, 

ധരയിതിൽ മാരിയായ് 

മാനവർ മരിക്കയായ്. 

വിനോദ് കുമാർ ടി വി, രാമപുരം